FUNDACIÓN RODRÍGUEZ IGLESIAS

A Fundación Rodríguez Iglesias toma o seu nome do fundador e actual Presidente do Grupo Editorial. Creada no ano 1997, está dotada con fondos procedentes das tres editoriais do Grupo, que desta forma  destinan a actividades sociais unha parte dos beneficios xerados polo seu labor.

O fomento das Artes e a Cultura, en todas as súas vertentes, centran fundamentalmente a actividade da Fundación, que aparte de crear unha importante colección artística, está inmersa en distintos proxectos de carácter antropolóxico, e prepara un amplo programa de actividades nos seus obradoiros de arte, salas de exposicións e auditorio.