TEXTO_ Esteban Perelló Renedo
ILUSTRACIÓN _ Modesto Braulion
A obra responde a unha crónica novelada dos dezaseis días que durou o ataque inglés á cidade da Coruña. Nela tense procurado conciliar o rigor histórico coa amenidade.
En 1588, os ingleses consideraban a Grande Armada que partira da Coruña un símbolo do poder de Felipe II. Se conseguían destruíla, proporcionaríanlle prestixio e honra á raíña Isabel e mais aos seus súbditos, ademais de privar ao emperador español dun porto decisivo para vindeiras invasións.
4 de maio de 1589, ao alborexar o día, a numerosa flota inglesa entraba na badía da Coruña con ánimos de non deixar pedra sobre pedra. Non obstante, non contaban coa resistencia e valentía do pobo coruñés, representado magnificamente pola súa heroína: Maior Fernández de la Cámara Pita, María Pita. Neste relato histórico nárranse, día a día, os feitos que ocorreron na Coruña entre o 4 e o 19 de maio de 1589, dende o avistamento da flota inimiga ata a fin do asedio ao que foi sometida a cidade polas tropas inglesas dirixidas por Drake e Norris.
