TEXTO_ Araceli Otero Fernández
ILUSTRACIÓN _ Marisa Irimia
Na Alta Idade Media, Galicia sentiuse presionada dende o interior polos árabes e dende as costas polos viquingos. Dous pobos sen vocación de instalarse no seu territorio. O seu obxectivo principal era a pillaxe e a depredación. Dende o ano 843 ata o século XII, Galicia ve como periodicamente as lixeiras naves viquingas desembarcan nas nosas costas.
Eran “yente muy cruel”, como dicía o rei Sabio na Primeira Crónica, que empregaba o terror como arma disuasoria, que permanecían o tempo necesario para encher as súas naves, obrigando ás poboacións a afastarse da costa, o que pode explicar o traslado de sés episcopais como Mondoñedo e Iria cara ao interior.
