TEXTO _ Paz Blanco Sanmartín y Otilia Prado Fernández
ILUSTRACIÓN _ César Blas
Corre o ano 411. Os bárbaros, semper fallaces et perfidi, arrasan as provincias de España e os hispanos sométense á dominación dos que acaban de chegar, que dominan as súas provincias. Así relata Hidacio, bispo da Limia, no solpor da súa vida, a invasión bárbara. Paulo Orosio, outro historiador tamén galego cando Galicia nacía no Douro, saúda con certa emoción o relevo histórico que se produce no mundo. O que para uns supoñía nostalxia, para outros foi ilusión.
Os suevos controlan Galicia dende o ano 411 ata o 585, data na que o seu reino é sometido ao visigodo. Este volume, no que se estudan con gran precisión os capítulos máis importantes do primeiro reino suevo-galaico, sitúase como a primeira obra moderna que abarca unha das etapas menos coñecidas da nosa historia.
