TEXTO _ Isabel Martínez Latas
FOTOGRAFÍA _ José Manuel Salgado Mosquera y Martín Laurencena
A través de duascentas páxinas ilustradas con fotografías a toda cor, o novo tomo da colección Para conocerte y no olvidarte dedicado á cidade da Coruña regálalle ao lector unha completa panorámica da urbe, a través de imaxes e palabras que configuran unha fermosa viaxe pola historia, a fisionomía e a cultura da que foi chamada balcón do Atlántico.
Desde a Torre de Hércules ao Castelo de San Antón pasando polos edificios modernistas que modificaron o urbanismo da cidade, o texto e as instantáneas guíannos a través dunha terra marcada polo mar, as lendas e a historia.
A chegada dos primeiros asentamentos de poboación do noroeste peninsular, o Medievo, a incursión dos corsarios británicos capitaneados por Drake e a fazaña de María Pita, a invasión napoleónica e a batalla de Elviña son algúns dos feitos históricos que marcaron o devir dos coruñeses e que son recollidos neste libro cun espírito divulgativo, ameno e rigoroso.
Idiomas de edición: Castelán
