O marco xeolóxico galego é sinxelo e antigo en canto aos materiais básicos que o conforman, pero complexo e moderno no referente ás estruturas tectónicas que o caracterizan.
Así pois, en Galicia existe un claro dominio de rochas ácidas (granitos e xistos), unha pequena mostra de rochas básicas e ultrabásicas, e unha mínima representación de rochas calizas.
Non obstante, esta aparente simplicidade viuse alterada cando as placas africanas deron orixe á tectónica alpina e crebaron os vellos zócolos do noroeste ibérico en mil bloques, que adquiriron a súa propia e singular dinámica. Sen eles, a paisaxe galega sería plana e desgastada por unha erosión de centos de millóns de anos e non cos trazos xuvenís que mostran os nosos vales fluviais.
| Tomo XXXVI. Historia Natural. Xeoloxía |
|
| Idiomas de edición: galego e castelán |
ÍNDICES | AUTORES |
