Víctor Manuel Vázquez Portomeñe

Víctor Manuel Vázquez Portomeñe (Taboada, 1936) é avogado e estivo durante case corenta anos na primeira liña política de Galicia.  

Foi conselleiro sen carteira con José Quiroga Suárez durante o periodo preautonómico de Galicia, foi un dos redactores do borrador do Estatuto de Autonomía de Galicia aprobado en 1981; deputado no Parlamento de Galicia por Alianza Popular e, despois, polo Partido Popular (1981-1997).

Foi conselleiro de Educación no goberno da Xunta de Galicia presidido por Xerardo Fernández Albor (1983- -1986), operado no que se foron asumindo as competencias estatais en materia de educación. Cando o entón vicepresidente da Xunta, Xosé Luís Barreiro Rivas, presentou a súa dimisión, e prosperou a moción de censura ao goberno de Fernández Albor, sendo nomeado presidente da Xunta o socialista, Fernando González Laxe co apoio do Partido Socialista de Galicia (PSdG-PSOE), Coalición Galega e Partido Nacionalista Galego, Vázquez Portomeñe converteuse en portavoz dos conservadores no Parlamento galego e asumiu a oposición ao goberno tripartito.  

Cos gobernos de Manuel Fraga, foi conselleiro de Relacións Institucionais e portavoz do goberno (1990- -1993). Durante o seu mandato púxose en marcha o primeiro programa elaborado pola Xunta de Galicia para a celebración e difusión do Ano Santo Xacobeo (1993). Finalmente foi conselleiro sen carteira para Asuntos Parlamentarios (1993-1997) e, desde 1996, senador durante tres mandatos. En 2010 recibiu a Medalla de Oro de Galicia polo seu traballo en prol do Ano Santo Xacobeo.