A travesa boneca Emilia, movida polo desexo de pór fin á Segunda Guerra Mundial, desconecta a Chave do Tamaño na «Casa das Chaves», e realiza así «unha cousa colosal, a cousa máis colosal xamais acontecida no mundo»: reduce todos os seres humanos (e só a eles!) a un tamaño minúsculo, próximo ao dos insectos. O seu xesto desencadea incribles consecuencias e obriga os diminutos seres humanos a reorganizar todos os seus hábitos, prácticas e a súa visión de mundo.
Autor: Monteiro Lobato
José Bento MONTEIRO LOBATO está considerado como o pai de la Literatura Infantil e Xuvenil en Brasil. Naceu en Taubaté o 18 de abril de 1882. De feito, en Brasil, o día 18 de abril se conmemora o “Día do Libro”, en recordo da súa data de nacemento.
Na produción adulta, tanto literaria como xornalística, Lobato denunciou con vehemencia a condición de retraso ao que o poder público viña relegando a súa rexión natal, no que concirne a varias instancias: saúde, educación, vivenda, traballo, cultura, etc. Ademais de publicar moitos artigos periodísticos sobre esas cuestións, publicou contos sobre os tipos do interior do Val do Paraíba, con narracións que acadaron un grande impacto nos lectores da época e que aínda hoxe espertan moito interese.
No caso da Literatura Infantil e Xuvenil, o mundo do campo tamén subministrou a Lobato vasto material para a súa produción, permitindo que aproveitara na súa ficción non só a tradición oral, senón tamén toda a opulencia da natureza brasileña, explotando a diversidade da flora, da fauna e da xeografía da rexión que coñecía tan ben. Reinações de Narizinho (1931) é a fundadora dunha especie de “saga”, cuxa publicación chega ata mediados da década de 1940 e conta con máis dunha veintena de recoñecidos títulos. Algúns deles, aínda que posúen explícito destino pedagóxico, presentan un abordaxe dos contidos educatimos moi orixinal, innovador e creativo para a época do seu lanzamento. É o caso, por exemplo, de História do mundo para crianças (1933) ou Emília no país da gramática (1934). Outros títulos son de natureza francamente literaria e ficcional, sendo considerados clásicos absolutos da Literatura Infantil e Xuvenil brasileña, tales como Caçadas de Pedrinho (1933), Memórias da Emília (1936), O picapau amarelo (1939), A chave do tamanho (1942) e Os dose trabalhos de Hércules (1944).
Descargar ficha técnica ES:
Descargar ficha técnica GAL:
RECENSIÓNS DO LIBRO
Canal Lector: https://canallector.com/26539/La_llave_del_tamaño
