O Acuario

Era unha vez un acuario e os seus habitantes,

todos iguais, todos distintos.

Un mundo pequeno, mais con problemas,

onde transcorre esta historia sinxela e ben escrita

sobre diferenzas, prexuízos, axuda…

Un conto ilustrado e de éxito moi coñecido

entre os máis novos.

JOãO PEDRO MÉSSEDER. Profesor de ensino superior e natural do Porto, é autor de obras para a infancia, varias delas distinguidas con galardóns en diferentes premios, como o Premio Autores da Sociedade Portuguesa de Autores, en 2017, por De Umas Coisas Nascem Outras; Premio Bissaya Barreto de Literatura para a Infancia, en 2014, por Pequeno Livro das Coisas; Mención do xurado do Premio Compostela, en 2008, por El Tiempo Vuela / O Tempo Voa; Listas de Honra do IBBY 2000 e 2006, por Versos com Re-versos e por Palavra que Voa, respectivamente. Autor ademais de libros para adultos, mereceu, en 1999, o Premio Maria Amália Vaz de Carvalho de Poesía co seu libro Fissura. En Hércules de Ediciones publicou Conto da Travesía das Musas.

CÉLIA FERNANDES naceu en Lisboa, en 1972, onde realizou o curso de Design de Equipamento na Facultade de Belas Artes. A ilustración existiu desde sempre na súa vida, uníndoa a partir do ano 2001 aos seus propios deseños.  Cun traballo persistente e frutífero sobre todo no ámbito escolar, aínda que non só, ilustra principalmente para a infancia. Gústalle a funcionalidade, o útil, o que un deseño axuda a aprender e a ensinar. E tamén canto serve para dar imaxe ao soño. Gústanlle as cores claras e doces, e a curva do sorriso que provocan cando se xuntan. Neste acuario gustoulle pintar a auga que ondula coa amizade dos peixes, que a imaxinación consolidou.