Francisco Rodríguez Iglesias

Nacín nunha pequena aldea de Galicia no seo dunha familia moi modesta. A miña gran sorte foi ter dous pais marabillosos que se repartían moi ben o coidado e a educación dos seus dous fillos. Os meus primeiros recordos do meu pai sitúoos na cociña, cando despois de cear me ensinaba as letras e os números, e facíao tan ben que eu estaba desexando finalizar a cea para aprender cousas novas. Cando comecei na escola, ao ver o que xa levaba aprendido e as miñas ganas de saber máis, os meus mestres creron que debía estudar, e apareceu na mi.a vida dona Luz, profesora e directora da Academia Muinelo, que me ofreceu facer o bacharelato sen percibir nada a cambio.

Máis adiante, cumprido o servizo militar —onde traballei na librería do campamento—, a miña intención era a de estudar Xornalismo, pero empecei a traballar no mundo editorial, onde alcancei postos de importante responsabilidade, polo que máis tarde decidín crear a miña propia editorial.

Grazas á miña filla Laura, Hércules segue producíndome satisfaccións enormes: seguimos vivos no mundo da cultura.