A urna das cartas
Fran regresa de adulto á vila de onde o desterraron de cativo. Vén a se desfacer da casa patrucial, chea de tristes recordos. Decorado de cartón pedra, reserva do eco, a vila semella estar sumida nun letargo perenne.
Don Tino —un carteiro e mestre represaliado polo franquismo— fixera feliz por un tempo aquel neno, mais xa todo fica no pretérito. Todo?
O pasado non pasa nunca e o presente continuo é unha colaxe de reencontros, de cartas e de amor.
Autor: Héctor Pose
Héctor Pose (Malpica, 1964), é profesor universitario e escritor. A súa biografía literaria sobre un reconocido exfutbolista, Donato (Damajuana ediciones, 2016), o diario poético Doce lúas (Axóuxere, 2015), as novelas Mar de invernía (Phottic, 2016), Arponera Café (Nazarí, 2018) e Escribirme (Dopeirao, 2019), o libro obxecto coa artista plástico Héctor Francesch Lascas (Estraperlo, 2020) e a novela Muxos (Hércules de Ediciones, 2022, accésit no Premio de Novela Asubío 2021), conforman unha suxerente traxectoria creativa.
Descarga a ficha de “La urna de las cartas”:
Descarga a ficha de “A urna das cartas”:
