Desde un remoto lugar situado entre dous mundos, Sidi —rapaz espelido e soñador— emprende unha viaxe física e emocional que cambiará para sempre a súa vida e a de Raúl, o seu cariñoso pai acolledor.
Autor: Lino Braxe
Comezou no teatro profesional en 1985, coa Compañía Luís Seoane. Actuou en producións da Escola Dramática Galega, do Centro Dramático Galego, Malbarate e outras, tamén foi actor de dobraxe e radio. Foi un dos fundadores da revista Luzes de Galiza. Dirixiu, ata o seu pasamento, o grupo de teatro da Agrupación Cultural Alexandre Bóveda.
Tamén foi locutor de RNE durante dez anos. Nese período de tempo adaptou para a radio a obra dramática completa de Álvaro Cunqueiro e Eduardo Blanco Amor.
Foi autor de varias obras de poesía, narrativa, teatro e de literatura infanto-xuvenil, ademais de participar en numerosas obras colectivas.
Este libro é unha mostra da súa xenerosidade e da súa implicación no traballo da ONG Tierra de hombres, coa que colaborou desde o principio.
Descargar ficha: Ficha "Sidi, unha viaxe cara á vida"