Vinos y lugares para momentos inolvidables

Mariano Fisac descubriunos en Galicia entre copas a riqueza e a variedade do viño galego. Agora, desde as páxinas deste libro, amplía o seu obxectivo: espertar o interese do lector polo viño, contaxiándolle a súa paixón ao gozar dunha boa carta de viños nun restaurante ou ao decidir de que maneira aprovisionar o noso “fondo de armario” vinícola.

Para iso percorreremos algúns dos comedores de España nos que se reúnen as mellores condicións para gozar dun bo viño…, e como a vida é curta e non todos os días poderemos gozar deses restaurantes (e dalgunha que outra taberna), tamén descubriremos algunhas das mellores botellas que alí se beben (non necesariamente as máis caras), para poder gozar do viño en casa; coa cea e en soidade, ou na calor da familia.

E é que xunto a unha botella de viño e ás persoas adecuadas poden ter lugar emociones, conversacións, sensacións e seguramente moitos dos mellores recordos da nosa vida.  A nosa misión con este libro é que eses encontros vaian acompañados do viño adecuado, o que fará dese momento algo aínda máis memorable. Para iso reunimos os viños que por unhas ou outras razóns máis nos marcaron e emocionaron nos últimos tempos. Se con algún deles conseguimos facer un instante das súas vidas un pouco máis feliz, o obxectivo deste libro estará cumprido.

Mariano Fisac é Licenciado en Dereito, especializado no sector da Responsabilidade Civil, a Administración Pública e o Seguro, no que actualmente traballa. Gallego fincado en Madrid, desde sempre mostrou unha especial inquietude polo mundo do viño. Esa inquietude manifestouse nunha vida 2.0 que comezou en 2008 co Blogue Mileurismo Gourmet (www.mileurismogourmet.com), desde o que propoñía unha visión alcanzable e democrática da gastronomía de calidade, cun especial foco no viño. Posteriormente puxo en marcha un blogue en inglés sobre viños españois chamado Wine Gossip From Spain (www.winegossipfromspain.com). Tivo gran repercusión en prensa e televisión, especialmente desde que organiza anualmente, sen ánimo de lucro, o Concurso dos 10 mellores viños por menos de 10 euros, un verdadeiro trampolín para dar a coñecer viños de calidade elaborados por pequenos produtores. Colaborou en numerosos medios e publicacións do sector, e como relator ou prescritor en feiras como Alimentaria ou o Fórum Gastronómico de Santiago. Tamén recibiu premios como o de Mellor Blogue 2010 no Concurso Viños e Blogues no marco do III Concurso de Viños do Noroeste, ou o mellor Post 2014 en castelán no Concurso de Blogues organizado pola D. O. Catalunya. En Hércules de Ediciones publicou Galicia entre copas no ano 2015, un libro que supuxo un antes e un despois na difusión do viño galego, e que foi recoñecido nese mesmo ano co Premio Mágnum ao Mellor Labor de Difusión do Viño Galego polo Instituto Galego do Viño