Haikus de Paizás

Haikus de  Paizás ofrece ao lector algo máis dun centenar de  haikus escritos en lingua castelá, e traducidos á lingua galega. O contido ofrece a continuación doutro libro anterior,  Haikus de  Guillamonde, publicado pola editorial Hércules de Edicións no ano 2015.

 

17,00 

Dispoñibilidade: Hai existencias

Categoría:

Con  Haikus de  Paizás o seu autor, Francisco Puy sorpréndenos unha vez máis. A nosa sorpresa despréndese do feito de que el é un mestre na arte da Xurisprudencia. A súa vida, dedicada á investigación, ao estudo e ao ensino, mostra unha constante que se resume na procura da sabedoría; unha sabedoría que, como toda obra importante, móstrase esquiva; unha sabedoría que esixe un esforzo constante en procúra da excelencia; unha sabedoría, cuxa procura o identifica a día de hoxe como o legado de toda unha vida. Con todo o libro que teñen entre as súas mans é un libro de poesía.

Haikus de  Paizás ofrece ao lector algo máis dun centenar de  haikus escritos en lingua castelá, e traducidos á lingua galega. O contido ofrece a continuación doutro libro anterior,  Haikus de  Guillamonde, publicado pola editorial Hércules de Edicións no ano 2015.

A temática descrita en ambas as obras, suxire a implicación do ser humano coa natureza. Unha implicación vista nun segundo de tempo, como unha faísca, como un  fogonazo, un instante a penas captado que permite a cada observador a súa particular interpretación. Ese instante ten, no caso da obra que agora se presenta, a súa localización xeográfica na casa de  Guillamonde e na aldea de  Paizás. Lugares reais e non imaxinarios, que están ligados á experiencia vital do  haijin. Quizá por iso os  haikus neles inspirados, resultan tan próximos a quen os le.

A colaboración de Sara Prieto Puy con cada unha das viñetas que acompañan os  haikus ofrece ao lector un complemento imprescindible para comprendelos e situalos no seu contexto. O resultado final de texto e ilustracións constitúe en si mesmo unha experiencia de beleza, sensibilidade e poesía que non debe faltar na biblioteca de ningún de vostedes.

Peso 0,5 kg
ISBN

978-84-947770-7-3

Encadernación:

Rústica

Ano de publicación

2018

Reseñas

Aínda non hai valoracións.

Sé o primero en valorar “Haikus de Paizás”

O teu enderezo electrónico non se publicará Os campos obrigatorios están marcados con *

Carriño da compra
Scroll ao inicio