Os homes explícanme cousas

Neste conxunto de ensaios mordaces e oportunos sobre a persistente desigualdade entre mulleres e homes e a violencia baseada no xénero, Solnit cita a súa experiencia persoal e outros exemplos reais de como os homes mostran unha autoridade que non gañaron, mentres que as mulleres foron educadas para aceptar esa realidade sen cuestionala.

16,00 

Categorías: , Etiqueta:

Neste conxunto de ensaios mordaces e oportunos sobre a persistente desigualdade entre mulleres e homes e a violencia baseada no xénero, Solnit cita a súa experiencia persoal e outros exemplos reais de como os homes mostran unha autoridade que non gañaron, mentres que as mulleres foron educadas para aceptar esa realidade sen cuestionala. A autora narra a experiencia que viviu durante unha cea na que un descoñecido se puxo a falarlle acerca dun libro incrible que lera, ignorando o feito de que ela mesma o escribira, a pesar de que llo fixeron saber ao principio da conversación. Ao final resultou que nin sequera lera o libro, senón unha recensión de The New York Times.

Os restantes capítulos tratan temas como unha análise da grande escritora feminista Virginia Woolf, o tópico da dúbida e da ambigüidade, unha investigación moi orixinal sobre a igualdade no matrimonio e unha enquisa aterradora sobre o alcance da violencia contemporánea contra a muller.

Autora: Rebecca Solnit

Escritora, historiadora, activista, editora e colaboradora da revista Harper, onde escribe regularmente a sección «Easy Chair», Rebecca Solnit tratou unha ampla variedade de temas, incluíndo a preservación do medio, a política e a arte. Dende os comezos dos oitenta traballou en numerosas campañas de dereitos humanos — como o Proxecto de Defensa de Western Shoshone a principios dos noventa, que describe no seu libro Savage Dreams— e con activistas contra a guerra durante a era Bush.

Entre os seus libros máis coñecidos destaca Un paraíso construído no inferno (2009), no que dá conta das extraordinarias comunidades que xorden tras certos desastres como o do furacán Katrina, un feito que xa analizara no seu ensaio «Os usos de desastres: notas sobre o mal tempo e o bo goberno», publicado por Harper o mesmo día que o furacán golpeaba a costa do Golfo.

Solnit recibiu dúas bolsas NEA de Literatura, unha bolsa Guggenheim, unha bolsa Lannan e no 2004 o Premio Wired Rave por escribir sobre os efectos da tecnoloxía nas artes e nas humanidades. No 2010 Reader Magazine nomeouna como «unha das 25 visionarias que están a cambiar o mundo».

Este libro foi publicado grazas á axuda da Secretaría Xeral de Igualdade da Xunta de Galicia.

Descargar ficha:

Autoría

Traductor/a:

María Fe González Fernández

ISBN

978-84-120974-2-9

Idioma:

Galego

Encadernación:

Rústica con solapas

Tamaño:

14 x 21 cm

Páxinas:

144

Ano de publicación

2019

Idade recomendada:

adultos

Reseñas

Aínda non hai valoracións.

Sé o primero en valorar “Os homes explícanme cousas”

O teu enderezo electrónico non se publicará Os campos obrigatorios están marcados con *

Carriño da compra
Scroll ao inicio